Հ Շիրակի մարզի «Կապսի միջնակարգ դպրոց» ՊՈԱԿ—ը հիմնադրվել է 1980թ.

Դպրոցի սկզբնական կարգավիճակը ութամյա էր: Տարիներ հետո 1998թ—ին դպրոցը դարձավ միջնակարգ: 2003թ վերամիավորվեց Գյումրու թիվ 39 միջնակարգ դպրոցի հետ: Միավորման պահին դպրոցն ուներ 180 աշակերտ:

Դպրոցում աշխատում են բարձրագույն մասնագիտական կրթություն ունեցող ուսուցիչներ, ովքեր կրթել և դաստիարակել են տասնյակ սերունդներ: Նրանց կողքին աշխատում են երիտասարդ ուսուցիչներ՝ փոխանցելով իրենց գիտելիքներրն ու հոգու լույսը նոր սերնդին:

Շատ հագեցած է անցնում դպրոցականների առօրյան՝ բազմաբովանդակ և հետաքրքիր, ուսուցանող և դաստիարակող միջոցառումներով զարգացնում են աշակերտների մտավոր ունակություններն ու ձևավորում նրանց գեղագիտական ճաշակը: Դպրոցում ձեռք բերած գիտելիքների հիման վրա շրջանավարտները շարունակում են ուսումը տարբեր ուսումնական հաստատություններում: Ամեն տարի դպրոցի աշակերտները մասնակցում են առարկայական տարբեր օլիմպիադաների: Մեր աշակերտները հաջողությամբ հանդես եկան «Հայոց Եկեղեցու պատմություն» առարկայի օլիմպիադայի մարզային փուլում՝ գրանցելով բարձր միավորներ:

Դպրոցի աշակերտները հաջողությամբ են հանդես եկել նաև ասմունքի մրցույթներում, ինչպես նաև հաղթող ճանաչվել շարադրության մրցույթներում:

Դպրոցն ունի ցուցասրահ, որտեղ ներկայացված են աշակերտների լավագույն ձեռքի աշխատանքները, ինչպես նաև հայ ազատամարտիկների հիշատակը փառաբանող «Փառքի սրահ»:

Դպրոցում տիրում է բարոյահոգեբանական առողջ մթնոլորտ: Ուսուցիչ—աշակերտ—ծնող հարաբերությունները հիմնված են փոխադարձ հարգանքի ու վստահության վրա, որն ավելի է ամրապնդվում Dasaran.am կայքով:

1980-1987թթ Կապսի ութամյա դպրոցի տնօրեն աշխատել է Գ. Բադալյանը

1987-2004թթ ՝ Հ. Մխիթարյանը

2004-2014թ՝ Ս. Գրիգորյանը

2014թ սեպտեմբերի 18-ից մինչ օրս՝ Ն. Խոջումյանը