Ծնվել է 1967 թվականին Լենինական քաղաքում։ 1989 թվականին ավարտել է Լենինականի Միքայել Նալբանդյանի անվան պետական մանկավարժական ինստիտուտի ֆիզմաթ ֆակուլտետը և նույն թվականից սկսել աշխատանքային գործունեությունը որպես մաթեմատիկայի ուսուցչուհի։

1997–2003 թվականներին զբաղեցրել է դաստիարակչական աշխատանքների կազմակերպչի պաշտոնը, իսկ 2004 թվականից աշխատել է որպես դաստիարակչական աշխատանքների գծով փոխտնօրեն։

2014 թվականից ղեկավարել է «Կապսի միջնակարգ դպրոց» ՊՈԱԿ-ը՝ որպես տնօրեն։ 2024 թվականին նշանակվել է վարչատնտեսական համակարգող, իսկ 2025 թվականի հուլիսի 29-ից կրկին ստանձնել է դպրոցի տնօրենի պաշտոնը։

1989 թվականից մինչ օրս անընդմեջ աշխատում է կրթության ոլորտում՝ ունենալով 37 տարվա մանկավարժական ստաժ, որից 29 տարին՝ վարչական աշխատանքի փորձ։